ಅರಿತ ಮುಡಿ

 ಮುಡಿ 

ಎಂಕ್ ನೆನಪಾಪುಂಡು ಇತ್ತೆ

ಎನ್ನ ಅಮ್ಮೆರ್ ಮುಡಿಕಟ್ಟ್ ನಗ

ಯಾನ್ ಮಗಲ್ ಬಲ್ಲ ಪತ್ತ್ ದ್ ಮುಡಿತ ಸುತ್ತ ತಿರ್ಗೊಂದು ಇತ್ತಿನ

ನೆನಪಾಪುಂಡು ಆನಿದಾ ಬೆನ್ನಿದಾ ಕಾಲ

ಕೊದಂಟಿದ ಪೆಟ್ಟ್ ಗೇ  ಮುಡಿ ಪೊರ್ಲು ಆವೊಂದು ಇತ್ತ್ಂಡ್ 

ಎನ್ನ ಅಮ್ಮೆರ್ ಕಟ್ಟುನ ಮುಡಿತ ಪೊರ್ಲು ತೂದು
ಬಹುಷಃ ಇಂಚಿತ್ತಿ ಮುಡಿ ತೂದು ಪುತ್ತೆದ ಪೊಂಜುವು
`ಅರಿಯಾಪಿ ಮರ ಎಂತಾ ಮರ ಇಂದ್ ಕೇನ್ದಿನಿ'
ಮರಟ್ ಆಪಿ ಕಾಯಿ ಲೆಕ್ಕತ್ತಿ ಮುಡಿ ಅವು

ಮುಡಿಕಟ್ಟುನಾಲ ಒಂಜಿ ಕಲೆ; ಒಂಜಿ ವಿದ್ಯೆ

ಇಂದ್ ಎಂಕ್ ಗೊತ್ತಾದ್ಂಡ

 ಎನ್ನ  ಅಜ್ಜಿಪಂತಿಪಾತೆರ

ಬೂಕುದ ಬರವು ಮಾತ್ರ ವಿದ್ಯೆ ಅತ್ತ್ ಮಗಾ

ಬೇಲೆ ಮಾತಲಾ ವಿದ್ಯೆನೇ….ಕಲ್ಪುನೆನ್ ಅರ್ತಿಡ್ ಕಲ್ತ್ಂಡ

ಬದಕ್ ಕಟ್ಟ್ ದ ಕೊರ್ಪುಂಡು ಆ ಬೇಲೆ

ಸಂಸಾರ ಕಡಲ್ ಉಂದು ಓಡ ಬೊಲ್ಲೊಡು ರಟ್ಟ್ಂಡ

ಜಲ್ಲ  ಆಪುಂಡು ನಮ ಕಲ್ತಿ ವಾ ವಿದ್ಯೆಲಾ….

ಇಂದಿರಾ ಹೆಗ್ಗಡೆ 2-ಜೂನ್ 2014